နိုင်ငံရေးပါတီတစ်ခုအနေဖြင့် မသန်စွမ်းသူတွေအပေါ် ကောင်းကျိုးဆောင်တဲ့အမြင်မရှိဟု ညီမျှခြင်းမြန်မာက ဦးအောင်မျိုးမင်း ဝေဖန် ရန်ကုန် ၊ နိုဝင်ဘာ ၁၄ ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီကို မြန်မာနိုင်ငံ နားမကြားအဖွဲ့အစည်းများ၊ မသန်စွမ်းအဖွဲ့အစည်းများ၊ မသန်စွမ်းအရေး တက်ကြွလှုပ်ရှားသူတွေနဲ့ အရပ်ဘက်အဖွဲ့အစည်း အပါအဝင်စုစုပေါင်း ၉၀ကျော်က ကန့်ကွက်ကြောင်း နိုဝင်ဘာလ ၁၄ရက်နေ့က ထုတ်ပြန်လိုက်ပါတယ်။ ကြံ့ခိုင်ရေးပါတီရဲ့ နိုဝင်ဘာ၁၁ရက်နေ့ကထုတ်ပြန်တဲ့ သတင်းလွှာမှာ အစ္စရံ ကျေးရွာက စာမတတ်သူ၊ စကားမပြောတတ်သူ၊ နားမကြားသူ ဒေါ်ဝင်းစန္ဒာခိုင် ဆန္ဒမဲပေးခြင်းကို ကန့်ကွက်ကြောင်း ဖော်ပြထားပြီး နိုဝင်ဘာလ ၁၂ရက်နေ့သတင်းလွှာမှာ ”မသန်မစွမ်း”သူဟုသုံးနှုန်းထားတာဖြစ်ပါတယ်။ဒါ့အပြင် ဒေါ်ဝင်းစန္ဒာခိုင်ကို ဆန္ဒမဲပေးခွင့်ပြုတာကို မဲမသမာမှုတစ်ခုအနေနဲ့ ကြံ့ခိုင်ရေးပါတီကတရားဝင်ဖော်ပြထားတာဖြစ်ပါတယ်။ ၂၀၀၈ဖွဲ့စည်းပုံအခြေခံဥပဒေ အခန်း (၉)၊ပုဒ်မ (၃၉၂)မှာ ဆန္ဒမဲပေးပိုင်ခွင့်မရှိတဲ့သူတွေကို ဖော်ပြထားပြီး အဲဒီအထဲမှာ မသန်စွမ်းသူတွေပါဝင်ခဲ့ခြင်း မရှိဘူးလို့ညီမျှခြင်းမြန်မာ အမှုဆောင်ဒါရိုက်တာ ဦးအောင်မျိုးမင်းက ဂလက်ဆီသတင်းဌာနကို […]