လူ့အခွင့်အရေးစကားသံအစီအစဉ်
ဖမ်းဆီးချုပ်နှောင်ခံထားရတဲ့အချိန်မှာ ကိုယ့်မှာဘာအခွင့်အရေးတွေရှိသလဲ ဆိုတာကို ရှင်းပြပေးထားပါတယ်။
လူတစ်ယောက်က ဖမ်းဆီးခံရချိန် ရသင့်သော အခွင့်အရေးများအကြောင်းကို DVB ရုပ်သံ သတင်းဌာနနဲ့ ညီမျှခြင်းမြန်မာအဖွဲ့တို့ ပူးပေါင်း ထုတ်လွှင့်ပေးနေပါတယ်။
ဗွီဒီယိုများ အသုံးပြုခြင်း သင်ခန်းစာ
မင်္ဂလာပါ
နည်းပညာတွေ တိုးတက်လာတာနဲ့အမျှ စာသင်ကြားရေးမှာလည်း ဆရာက မြေဖြူ၊ ကျောက်သင်ပုန်း၊ စာအုပ်နဲ့ ရေးပြ၊ ဖတ်ပြတာကိုပဲ နားထောင်ပြီးလေ့လာရတဲ့ ခေတ်မဟုတ်တော့ပါဘူး။
သင်ကြားမှုအပိုင်းမှာလည်း တပည့်တွေ၊ လေ့လာသူတွေက ပိုမိုစိတ်ဝင်စားမှုရှိလာအောင်၊ သင်ခန်းစာ၊ လေ့လာမှုတွေကို လက်တွေ့ဘဝနဲ့ ချိတ်ဆက်တတ်လာအောင် ဖြစ်ရပ်မှန် ဇာတ်လမ်း၊ ဗွီဒီယိုမှတ်တမ်းတွေကို ပြသပြီးသင်ကြားလာနေကြပါပြီ။
ဒါကတော့ သင်ထောက်ကူနည်းမျိုးစုံရှိတဲ့အထဲက ဗွီဒီယိုတွေကို သင်ထောက်ကူအဖြစ်သုံးတဲ့ နည်းတစ်မျိုးဖြစ်ပါတယ်။
ဗွီဒီယိုကို သင်ထောက်ကူအဖြစ်အသုံးပြုမယ်ဆိုရင် ဘယ်လိုတွေ လုပ်ဆောင်ရမလဲ။ ဖျော်ဖြေရေးဘက်ရောက်မသွားအောင် ဘယ်လိုသတိထားရမလဲ၊ သင်ခန်းစာနဲ့ချိတ်ဆက်အောင် ဘယ်လို လမ်းကြောင်းပေးရမလဲ ဆိုတဲ့အကြောင်းကို ညီမျှခြင်းမြန်မာအဖွဲ့ရဲ့ ဒါရိုက်တာ ဦးအောင်မျိုးမင်းက ရှင်းလင်းပေထားတဲ့ ဗွီဒီယိုလေး ထပ်တင်ပေးလိုက်ပါတယ်နော်။
အစည်းအဝေး ဆွေးနွေးဝိုင်းတွေ၊ သင်တန်းတွေကို ပိုပြီး ထိရောက်အောင်၊ အစည်းအဝေး တက်ရောက်သူတွေ(သို့မဟုတ်) ပါဝင်သူတွေအားလုံး ပြောဆိုဆွေးနွေးနိုင်အောင် ဘယ်လိုဦးဆောင် စီမံမလဲဆိုတဲ့ ဗွီဒီယိုကို တင်ပြပေးသွားမှာဖြစ်ပါတယ်။
ဒီကနေ့တင်မဲ့ ဗွီဒီယိုလေးမှာတော့ လူအများနဲ့ပြုလုပ်တဲ့ အစည်းအဝေး ကြီးကြီး(သို့မဟုတ်) သင်တန်းတွေကို အတန်းလိုက်ထိုင်စေပြီး ဆွေးနွေးစေတဲ့ လုပ်ဆောင်မှုမျိုးမဟုတ်ပဲ အားလုံး တစ်ယောက်နဲ့ တစ်ယောက်မြင်နိုင်အောင် ဝိုင်းဖွဲ့ထိုင်ကာ ဆွေးနွေးစေတဲ့အကြောင်း၊ ဒီထက်ပိုပြီး အသေးစိတ်ဆွေးနွေးမှုတွေ ပြုလုပ်သွားနိုင်အောင် အုပ်စုငယ်လေးတွေ ထပ်ခွဲပြီး ဆွေးနွေးစေရတဲ့ အကြောင်းကို ရှင်းလင်းပေးထားပါတယ်။
တစ်ဦးတစ်ယောက်ကပဲ ပြောဆိုသွားတာမျိုးမဖြစ်အောင်၊ အုပ်စုမှာ ပါဝင်တဲ့သူတွေ အားလုံးရဲ့ အမြင်တွေ၊ အသံတွေ ပါဝင်ဆွေးနွေး လာအောင် ဘယ်လိုအုပ်စုဖွဲ့ပေးရမလဲ၊ သတိထား လုပ်ဆောင်ရမလဲ ဆိုတဲ့ အချက်တွေကို ဆရာဦးအောင်မျိုးမင်းက တင်ပြပေးထား ပါတယ်နော်။
လူတွေကပြောပါလိမ့်မယ် မေးခွန်းမေးတာ ဘာခက်လို့လဲပေါ့။
တကယ်တမ်းကိုယ်သွားချင်တဲ့ ခေါင်းစဉ်ကို ရောက်အောင်သွားနိုင်ဖို့၊ အဆင့်ဆင့်သွားနိုင်ဖို့၊ လူတွေရဲ့ ခံယူချက်၊ အတွေးအခေါ်တွေကို မြင်ဖို့အတွက်က မေးခွန်းမေးခြင်း အတတ်ပညာဟာ လွယ်မလိုနဲ့ ခက်ခဲပါတယ်။
ဒါဆို ဘယ်လိုမေးရသလဲဆိုတာ သိချင်ရင်တော့ ညီမျှခြင်းမြန်မာအဖွဲ့ရဲ့ အမှုဆောင်ဒါရိုက်တာ ဦးအောင်မျိုးမင်းကိုယ်တိုင် ရှင်းလင်းတင်ပြပေး ထားတဲ့ ဗွီဒီယိုလေးကို အတူလေ့လိုက်ကြရအောင်နော်….
လူ့အခွင့်အရေးပညာပေးသူတွေနဲ့ သင်တန်းနည်းပြတွေ မသိမဖြစ်လေ့လာသိရှိထားရမဲ့ ပို့ချခြင်း အတတ်ပညာအကြောင်းကို ရှင်းလင်းပို့ချပေးထားတဲ့ ဗီဒီယိုဖိုင်လေး တင်ပေးလိုက်ပါတယ်။
လူ့အခွင့်အရေးပညာပေးသူ(သို့) နည်းပြကောင်း တစ်ယောက်၊ စေ့စပ်ဆော်သြသူ(Facilitator) ကောင်း တစ်ယောက်တွင် ရှိရမဲ့ အရည်အချင်း၊ သတိထား ဂရုပြုရမဲ့အချက်တွေကို ညီမျှခြင်းမြန်မာအဖွဲ့ရဲ့ အမှုဆောင်ဒါရိုက်တာ ဦးအောင်မျိုးမင်းကိုယ်တိုင် ရှင်းလင်း တင်ပြ ပေးထားပါတယ်။
သင်တန်းနည်းပြမဟုတ်ပေမဲ့ အစည်းအဝေးတွေ၊ ရပ်ရေး၊ ရွာရေး ဆွေးနွေးပွဲတွေကို ဦးဆောင်ဆွေးနွေးပေး နေသူတွေအဖို့လည်း လေ့လာထားရင် အကျိုးရှိစေမယ့် ဗီဒီယိုဖိုင်လေးပါ။
အိမ်မှာနေပြီး မိမိတို့အချိန်တွေကို အကျိုးရှိရှိအသုံးချလိုက်ကြရအောင်လို့ ဖိတ်ခေါ်လိုက်ပါတယ်။
နောက်ရက်တွေမှာလည်း ပညာပေးဗီဒီယိုဖိုင်လေးတွေကို ထပ်ပြီး တင်ပေးသွားပါအုံးမယ်ဆိုတဲ့ သတင်းကောင်းလေးပါ တစ်ခါတည်း ပါးလိုက်ပါတယ်နော်…
အမုန်းစကားအကြောင်းကို DVB ရုပ်သံ သတင်းဌာနနဲ့ ညီမျှခြင်းမြန်မာအဖွဲ့တို့ ပူးပေါင်း ထုတ်လွှင့်ပေးသွားမှာဖြစ်ပါတယ်။
လူမှုကွန်ရက်စာမျက်နှာမှာ လူတစ်ဦးနဲ့တစ်ဦး၊ အုပ်စုတစ်စုနဲ့တစ်စုအကြား တိုက်ခိုက် ရေးသား နေခြင်းအပြင် ဘယ်လိုစကား၊ ဘယ်လိုပြောဆိုမှု၊ ဘယ်လိုရေးသားမှုတွေက အမုန်းစကားပြောဆိုမှုကို ဖြစ်စေနေသလဲဆိုတာ သိရှိပြီး အမုန်းစကားမပြန့်ပွားလာစေအောင် မိမိကိုယ်တိုင်ကစပြီး လုပ်ဆောင် တတ်လာစေရန် ရည်ရွယ်ပြီး ရိုက်ကူးတင်ဆက်ထားတာဖြစ်ပါတယ်။
ဒီပညာပေးအစီအစဉ်ကို ညီမျှခြင်းမြန်မာအဖွဲ့ရဲ့ စည်းရုံးလှုံ့ဆော်ရေး ညှိနှိုင်းရေးမှူး မတိုးတိုးမြင့်၊ မေနိုခိုင်၊ နှင်းသီတာလှိုင်၊ ထူးဝဏ္ဏရှိန်နဲ့ သွန်းဆက်ပိုင်တို့က ပါဝင်သရုပ်ဆောင်ပေးထားပါတယ်။
မြန်မာနိုင်ငံအပါအဝင် ကုလသမဂ္ဂအဖွဲ့ဝင်အားလုံး (၄) နှစ်ကို တစ်ကြိမ် လူ့အခွင့်အရေးကောင်စီသို့ မပျက်မကွက် တင်သွင်းရတဲ့ နိုင်ငံအားလုံးအလှည့်ကျ သုံးသပ်ခြင်း (Universal Periodic Review- UPR) လုပ်ငန်းစဉ်အကြောင်းကို လွယ်လွယ်ကူကူနားလည်နိုင်ဖို့ ပုံစံတစ်မျိုးနဲ့တင်ဆက်ထားပါတယ်။
ကုလသမဂ္ဂအကြောင်း၊ လူ့အခွင့်အရေးကောင်စီ၊ အထူးလုပ်ထုံးလုပ်နည်း လုပ်ငန်းစဉ်အကြောင်းတွေကို မိတ်ဆက်ထားတဲ့အပြင် နိုင်ငံအားလုံးအလှည့်ကျ သုံးသပ်ခြင်း (Universal Periodic Review- UPR) လုပ်ငန်းစဉ်အကြောင်းကိုအသေးစိတ်ရှင်းပြထားပါတယ်။ ဒီဗွီဒီယိုလေးကို ညီမျှခြင်းမြန်မာအဖွဲ့၏ အမှုဆောင်ဒါရိုက်တာ ဦးအောင်မျိုးမင်းက ရှင်းလင်းတင်ပြပေးထားပါတယ်။
ပြည်သူများ ရွေးကောက်ပွဲ အကြောင်းသိရှိလာစေရန် ရည်ရွယ် ပြီးတော့ ရိုက်ကူး တင်းဆက်ထားပါတယ်။
ညီမျှခြင်းမြန်မာ
ညီမျှခြင်း မြန်မာ” သည် လူ့အခွင့်အရေး ပညာပေးအစီအစဉ်များ၊ လူ့အခွင့်အရေးချိုးဖောက်မှုများ ကို မှတ်တမ်းတင်ကာ တက်ကြွ လှုပ်ရှားသူများ၊ လူ့အခွင့် အရေး ကာကွယ်စောင့်ရှောက်သူများနှင့် ၎င်းတို့၏ မိသားစုများအတွက် အရေးပေါ် ပံ့ပိုး မှုများ ပံ့ပိုးပေးသည့် အစိုးရမဟုတ်သောအဖွဲ့အစည်း တခုဖြစ်သည်။ ထို့အပြင် ဒေသခံအရပ်ဘက်အဖွဲ့အစည်းများ၊ ပညာပေးသူများနှင့် လူ့အခွင့်အရေး တက်ကြွလှုပ်ရှားသူများ လည်းပါဝင်သည်။ ကျွန်ုပ်တို့၏ အစီအစဉ်များနှင့် လှုပ်ရှားမှု များသည် မြန်မာနိုင်ငံရှိ ပြည်နယ်နှင့် တိုင်းဒေသ ကြီးများ၌ ထိရောက်စွာ လှုပ်ရှားနိုင်ခဲ့သည်။
ညီမျှခြင်း မြန်မာသည် ၂၀၂၁ ခုနှစ် နိုင်ငံရေးအကြပ်အတည်းကြောင့် ဆိုးရွားသော အခြေအနေနှင့် ရင်ဆိုင်ခဲ့ရသော်လည်း ခိုင်မာသော လူ့အခွင့်အရေး ယုံကြည် ချက်ဖြင့် ရပ်တည်နေခဲ့သည်။
Business Hours
Our support Hotline is available 24 Hours a day: (555) 343 456 7891
- Monday-Friday: 9am to 5pm
- Saturday: 10am to 2pm
- Sunday: Closed