Archive for category: မာတီမီဒီယာ

မြန်မာနိုင်ငံမှာ စစ်တပ်ဟာ ရိုဟင်ဂျာ‌တွေအပေါ် ရက်ရက်စက်စက် သတ်ဖြတ်မှုတွေ၊ လက်စဖျောက်မှုတွေ၊ ရိုဟင်ဂျာ အမျိုးသမီးများနှင့် မိန်းကလေးတွေအပေါ်မှာ အုပ်စုလိုက် အဓမ္မပြုကျင့်တာတွေအပါအ၀င် လိင်ပိုင်းဆိုင်ရာ အကြမ်းဖက်မှုတွေကို စနစ်တကျလုပ် ဆောင် ခဲ့ကြပါတယ်။ ဒါတွေအပြင် ရွာပေါင်း (၁၀၀) ခန့် ပျက်စီးခဲ့ရပြီး ဘ၀ပေါင်း များ စွာလည်း ပျက်စီးခဲ့ကြရပါတယ်။ ပြီးခဲ့တဲ့နှစ်မှာတော့ အမေရိကန်အစိုးရက ဒီရာဇ၀တ် မှုတွေဟာ Genocide လူမျိုးသုဥ်း သတ်ဖြတ်မှု‌ မြောက်တယ်လို့ သတ်မှတ်ခဲ့ကြပါတယ်။

ယနေ့အချိန်ထိ ရိုဟင်ဂျာတစ်ထောင်ကျော်ဟာ သူတို့ရဲ့ အိမ်၊ ရွာ၊ နိုင်ငံကနေ ရွှေ့ပြောင်း နေထိုင်ကြရဆဲ ဖြစ်ပါတယ်၊ အချို့တွေကတော့ ဘင်္ဂလားဒေ့ရှ်နိုင်ငံရဲ့ စစ်ဘေးရှောင်စခန်း တွေမှာ ဆင်းရဲပင်ပန်းစွာ နေထိုင်ကြရဆဲပါ။

အပြည်ပြည်ဆိုင်ရာ ရာဇ၀တ်မှုအမျိုးအစားတွေထဲက တစ်ခုဖြစ်တဲ့ လူမျိုးသုဥ်းသတ်ဖြတ်မှု ဆိုတာကတော့“နိုင်ငံသား၊ လူမျိုးနွယ်စု၊ လူမျိုးစု(သို့) ဘာသာရေးဆိုင်ရာ အသင်းအဖွဲ့များ အားလုံးကို ဖျက်ဆီးရန် ရည်ရွယ်ချက်ဖြင့် ကျူးလွန်မှုများ (သို့) အချို့အစိတ်အပိုင်းများကို ဖျက်ဆီးရန် ရည်ရွယ်ချက်ဖြင့် ကျူးလွန်မှုများ” လို့ အဓိပ္ပါယ်ဖွင့်ဆိုထားပါတယ်။

လက်ရှိမြန်မာနိုင်ငံအနေနဲ့ ICJ မှာတရားရင်ဆိုင်နေရတာဟာ ဘာကြောင့်ဘာလဲ။

လူမျိုးသုဥ်းသတ်ဖြတ်မှုနဲ့ပတ်သက်ပြီး နိုင်ငံတကာမှာဘယ်လိုစာချုပ်တွေရှိလဲ။

မြန်မာနိုင်ငံမှာ လူမျိုးတုန်းသတ်ဖြတ်မှုတွေရှိလား။

စစ်တပ်က ကျူးလွန်ခဲ့တဲ့ ရိုဟင်ဂျာတွေအပေါ် လူမျိုးသုဥ်းသတ်ဖြတ်မှုတွေနဲ့ပတ်သက်ပြီး အမျိုးသားညီညွတ်ရေးအစိုးရ ဘယ်လိုသဘောထားရှိလဲ။                   ဘာတွေလုပ်ဆောင်နေလဲ။

#Genocide
#PVTV
#Equality Myanmar
#HRETV
#MoHR
#6thmemorial
#Rohingya
#HumanRights
#Infosheet4HumanRights

စစ်ပွဲဆိုင်ရာ ရာဇ၀တ်မှု (War Crime) ဆိုတာက ဘာလဲ??

• စစ်ပွဲဆိုင်ရာ ရာဇ၀တ်မှု (War Crime) ဆိုတာကတော့ စစ်ပွဲ (သို့မဟုတ်) လက်နက်ကိုင်ပဋိပက္ခကာလ အတွင်းမှာ စစ်ရေးဗျူဟာ၊ စီမံကိန်းတခုအနေဖြင့်ရည်ရွယ်ပြီး အရပ်သားတွေအပေါ်၊ သုံ့ပန်းတွေအပေါ်၊ စစ်ပွဲအတွင်းဖမ်းဆီးခံရသူတွေအပေါ် ကျူးလွန်တဲ့ရာဇ၀တ်မှုပါ။

စစ်ပွဲဆိုင်ရာ ရာဇ၀တ်မှု (War Crime) မြောက်တဲ့ အမှုတွေက ဘာတွေလဲ??

• စစ်ပွဲဆိုင်ရာ ရာဇ၀တ်မှု(War Crime) မြောက်တဲ့ ပြစ်မှုအမျိုးအစား (၁၂) မျိုးရှိပါတယ်။

(၁) စိတ်ပါလက်ပါ သတ်ဖြတ်ခြင်း၊ မျိုးသုဉ်းစေခြင်း၊ နှိပ်စက်ညှဉ်းပန်းခြင်းနှင့် ရက်ရက်စက်စက် ဆက်ဆံခြင်း၊

(၂) လူတယောက်၏ ဂုဏ်သိက္ခာကို ထိခိုက်ညှိုးနွမ်းအောင် ဆက်ဆံခြင်း၊ ဓားစာခံအဖြစ် ခေါ်ဆောင်ခြင်း၊

(၃) ရည်ရွယ်ချက်ရှိရှိဖြင့်အရပ်သားများကိုပစ်မှတ်ထား တိုက်ခိုက်ခြင်း၊

(၄) ဂျီနီဗာသဘောတူစာချုပ်က သတ်မှတ်ထားသည့် သင်္ကေတများပါရှိသည့် အဆောက်အဦများ၊ ပစ္စည်းများ၊ ဆေးဝါးဌာနများနှင့် ယာဉ်များကို ပစ်မှတ်ထား တိုက်ခိုက်ဖျက်ဆီးခြင်း၊

(၅) လူသားချင်းဆိုင်ရာ စာနာမှုဝန်ထမ်းများနှင့် ငြိမ်းချမ်းရေးတပ်ဖွဲ့များကို ပစ်မှတ်ထား တိုက်ခိုက်ခြင်း၊

(၆) ဘာသာရေး၊ ယဉ်ကျေးမှု၊ အထိမ်းအမှတ်များ၊ ဆေးရုံများနှင့် လူနာများထားရှိသည့်နေရာများကို ပစ်မှတ်ထား တိုက်ခိုက်ခြင်း၊

(၇) လိင်စော်ကားခြင်း၊ အတင်းအကျပ် ပြည့်တန်ဆာအဖြစ် စေခိုင်းခြင်း၊ ကိုယ်ဝန်ရစေခြင်း၊ သားကြောဖြတ်ခြင်းနှင့် အခြားပုံစံများဖြင့်လိင်ပိုင်းဆိုင်ရာ အကြမ်းဖက်မှုများ၊

(၈) အသက်(၁၅) နှစ်အောက်ကလေးများကို စစ်ပွဲများတွင်ပါဝင်စေခိုင်းခြင်း၊

(၉) ရပ်ရွာလူထုများကိုလုံခြုံရေးအကြောင်းကြောင့်မဟုတ်ဘဲ ရွှေ့ပြောင်းခြင်း၊

(၁၀) ဒဏ်ရာရသည့်တစ်ဖက်တပ်သားများကိုရက်ရက်စက်စက်သတ်ဖြတ်ခြင်း၊

(၁၁) စစ်သုံ့ပန်းများကို တယောက်မကျန် သတ်ဖြတ်ခြင်း၊ ၎င်းတို့၏ကိုယ်ခန္ဓာအစိတ်အပိုင်းများကို ဖြတ်တောက်ခြင်း၊ ဆေး (သို့မဟုတ်) သိပ္ပံပညာ စမ်းသပ်မှုများကို လုပ်ဆောင်ခြင်း၊

(၁၂) လိုအပ်ချက်အရမဟုတ်ဘဲ လူထု၏ ကိုယ်ပိုင်ပစ္စည်းများကို ဖျက်ဆီးခြင်း၊ သိမ်းပိုက်ခြင်း။

အသေးစိတ်ဆွေးနွေးပို့ချချက်ကို ဗီဒီယိုတွင် ကြည့်ရှုနိုင်ပါတယ်။

#WarCrime

#PVTV

#Equality Myanmar

#HRETV

#HumanRights