နိုင်ငံတကာ လူ့အခွင့်အရေးကာကွယ်စောင့်ရှောက်သူများ အတွေ့အကြုံဖလှယ်ခြင်း အစည်းအဝေး ကျင်းပပြီးစီးခြင်း
ညီမျှခြင်းမြန်မာအဖွဲ့မှ ဦးဆောင်၍ ဖိလစ်ပိုင်၊ နီပေါ နှင့် မြန်မာနိုင်ငံများမှ လူ့အခွင့်အရေးကာကွယ်စောင့်ရှောက်သူများ (Human Rights Defenders) တက်ရောက်သည့် (၁) ရက်တာ အတွေ့အကြုံဖလှယ်ခြင်း အစည်းအဝေးကို အွန်လိုင်းမှတဆင့် အောင်မြင်စွာ ကျင်းပပြုလုပ်ခဲ့ပါသည်။
အစည်းအဝေးတွင် နိုင်ငံအလိုက် ကြုံတွေ့နေရသည့် နိုင်ငံရေးအခြေအနေများ၊ လူ့အခွင့်အရေးချိုးဖောက်ခံ ရမှုများနှင့် လူ့အခွင့်အရေးကာကွယ်စောင့်ရှောက်သူများ ရင်ဆိုင်ကြုံတွေ့နေရသော အခက်အခဲစိန်ခေါ်မှုများကို အဓိကထား ဆွေးနွေးဖလှယ်မှုများ ပြုလုပ်ခဲ့ခြင်းဖြစ်သည်။
ညီမျှခြင်း မြန်မာ” သည် လူ့အခွင့်အရေး ပညာပေးအစီအစဉ်များ၊ လူ့အခွင့်အရေးချိုးဖောက်မှုများ ကို မှတ်တမ်းတင်ကာ တက်ကြွ လှုပ်ရှားသူများ၊ လူ့အခွင့် အရေး ကာကွယ်စောင့်ရှောက်သူများနှင့် ၎င်းတို့၏ မိသားစုများအတွက် အရေးပေါ် ပံ့ပိုး မှုများ ပံ့ပိုးပေးသည့် အစိုးရမဟုတ်သောအဖွဲ့အစည်း တခုဖြစ်သည်။ ထို့အပြင် ဒေသခံအရပ်ဘက်အဖွဲ့အစည်းများ၊ ပညာပေးသူများနှင့် လူ့အခွင့်အရေး တက်ကြွလှုပ်ရှားသူများ လည်းပါဝင်သည်။ ကျွန်ုပ်တို့၏ အစီအစဉ်များနှင့် လှုပ်ရှားမှု များသည် မြန်မာနိုင်ငံရှိ ပြည်နယ်နှင့် တိုင်းဒေသ ကြီးများ၌ ထိရောက်စွာ လှုပ်ရှားနိုင်ခဲ့သည်။